កិច្ចប្រជុំពិភាក្សា និងស្វែងយល់គ្នាទៅវិញទៅមក រវាង សមាគម IDI និង រដ្ឋបាលខេត្តមណ្ឌលគិរី

ថ្ងៃសៅរ៍ ៥កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែកញ្ញា ឆ្នាំ២០២៤
កិច្ចប្រជុំពិភាក្សា និងស្វែងយល់គ្នាទៅវិញទៅមក រវាង សមាគម #IDI និង រដ្ឋបាលខេត្តមណ្ឌលគិរី ក្រោមការដឹកនាំកិច្ចប្រជុំដោយ លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល សមាគម #IDI និង ឯកឧត្តម ងិន សុវិមាន អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី ។
កិច្ចប្រជុំផ្តោតលើការវិនិយោគទៅលើដំណាំកសិកម្ម និងការសាងសង់រោងចក្រកែច្នៃកសិផល ដើម្បីធានាបាននូវនិរន្តភាពទីផ្សារ និងតម្លៃ ។
លោកបណ្ឌិត ហោ សេរីវឌ្ឍន៍ បានមានមតិក្នុងកិច្ចប្រជុំ ដោយបញ្ជាក់ថាសមាគម #IDI មានគោលដៅចំបង ក្នុងការវិនិយោគទៅលើការដាំកាហ្វេ ដើម្បីផ្គត់ផ្គង់ទីផ្សារដែលកំពុងខ្វះខាតគ្រាប់កាហ្វេ ដោយមានការសហការជាមួយក្រុមហ៊ុន KOFI Co., Ltd ដើម្បីប្រឹក្សាទៅលើបច្ចេកទេសដាំ និងកិច្ចសន្យាធានាទិញ តាមតម្លៃទីផ្សារ ។ គួររំលឹកផងដែរថា ក្រុមហ៊ុន #Kofi ជាក្រុមហ៊ុនធំ១ ក្នុងការផលិតផលិតផលសម្រេចដើម្បីនាំចេញ និងផ្គត់ផ្គង់ក្នុងស្រុក ។
ឯកឧត្តម ងិន សុវិមាន បានមានប្រសាសន៍ ស្វាគមន៍ ការចូលមកវិនិយោគនៅខេត្តមណ្ឌលគីរី ។ក្នុងនាមរដ្ឋបាលខេត្ត រួមទាំងមន្ទីរពាក់ព័ន្ធ នឹងធ្វើការសហការសម្របសម្រួល ។
ឯកឧត្តម មានប្រសាសន៍បន្ថែមទៀតថា ខេត្តមានដំណាំកសិកម្មជាយុទ្ធសាស្រ្ត ចំបង អាចឱ្យសមាគម #IDI ធ្វើការវិនិយោគ រួមមាន ៖ កៅស៊ូ កាហ្វេ ម្រេច បន្លែ ទុរេន អាវ៉ូកាដូ និងដំឡូងមី ។ វិស័យទេសចរណ៍ ក៍ជាវិស័យយុទ្ធសាស្ត្រ ចំបងដែលទាមទារឱ្យមានការអភិវឌ្ឍបន្ថែមទៀត ។

Let’s invest together to develop Cambodia!
Please click the link below to find out about us and follow the information:
👉 Telegram Official Channel: https://bit.ly/idinvestorsofficialchannel
👉 Telegram IDI Investment Roadshow: https://bit.ly/IDIInvestmentRoadshow
👉 Telegram Public Group: https://bit.ly/idinvestorspublicgroup
👉 Facebook Page: https://fb.me/idinvestorshub
👉 LinkedIn: https://bit.ly/idclinkedin
👉 Website IDC: https://idcapital.com.kh